امامعلی رحمان رییس جمهوری تاجیکستان روز پنج شنبه، دوازدهم مه دردوشنبه پایتخت این کشور، با عبدالله عبدالله رییس اجرایی دولت افغانستان که برای حضوردر مراسم آغاز پروژه انتقال برق از آسیای مرکز به آسیای جنوبی CASA-1000 در دوشنبه به سر می برد، دیدار کرد.
در جریان این دیدار، رییس جمهوری تاجیکستان حضور عبدالله عبدالله و هیات این کشور را مورد تقدیر قرار داده و بار دیگر تاکید کرد، تاجیکستان مایل است با افغانستان در انرژی های دیگر و پروژه های حمل و نقل و ترانزیت همکاری کند.
دو طرف همچنین در باره صلح و ثبات افغانستان و وضعیت مناطق مرزی دو کشور تبادل نظر کردند. آن ها تاکید کردند که بخش های مربوط دو کشور باید در حفاظت از مناطق مرزی همکاری های خود را تقویت بخشند.
