به گزارش رسیده از کاخ ریاست جمهوری افغانستان، روز سه شنبه، اشرف غنی رییس جمهوری افغانستان دیدار رسمی دو روزه از تاجیکستان را آغاز کرد و با امامعلی رحمانوف رییس جمهوری تاجیکستان دیدار و گفت و گو کرد.
رهبران دو کشور در مذاکرات خاطر نشان کردند تاجیکستان و افغانستان باید همکاری در زمینه های مبارزه با تروریسم، افراط گرایی و قاچاق مواد مخدر را تقویت کنند. آنان تاکید کردند معاملات غیر قانونی مواد مخدر یکی از سرچشمه های اصلی درآمد تروریست ها به شمار می رود.
رهبران دو کشور همچنین تاکید کردند تاجیکستان و افغانستان باید ارتباط در مناطق مرزی را تقویت کنند تا امنیت این منطقه نیز تضمین شود.
روز دوازدهم مه رییس جمهوری افغانستان در مراسم آغاز به کار پروژه کاسا -1000 نیروی برق آسیای مرکزی و جنوبی نیز شرکت می کند. افغانستان و پاکستان از طریق این پروژه، برق مورد نیاز را از تاجیکستان و قرقیزستان وارد خواهند کرد. تاجیکستان، قرقیزستان، افغانستان و پاکستان اسناد لازم در این زمینه را امضا کردند.
